ABŞ-a casusluq etdiyi iddia olunan Almaniyanın Xarici Kəşfiyyat Təşkilatında (BND) çalışan əməkdaşın Kremlə də xidmət təklif etdiyi ortaya çıxıb.

Axar.az xəbər verir ki, casus həbs olunmazdan üç həftə əvvəl Rusiyanın Almaniyadakı səfirliyinin elektron ünvanına məktub göndərərək öz xidmətlərini təklif edib. Bu zaman elektron ünvana göndərilən məktub Almaniyanın əks-kəşfiyyat agentləri tərəfindən ələ keçirilib.

Qeyd edək ki, "İndependent" qəzetinin Almaniya təhlükəsizlik xidmətlərindən aldığı məlumata görə, adı gizli saxlanılan əməkdaş BND-nin kompüterlərindən əldə etdiyi 300 gizli sənədi ABŞ-a satıb.

Hazırda iş üzrə istintaq aparılır.