ABŞ-ın Almaniyada SİA-nın iştirakı ilə başlatdığı kəşfiyyat əməliyyatının gizli qalan tərəfləri aydın olacaq.

Axar.az xəbər verir ki, Federal Kəşfiyyat Xidməti əməkdaşının Almaniya Bundestaqı haqqında Amerikaya gizli məlumat ötürməsi ilə bağlı ABŞ-ın bu ölkədə başlatdığı əməliyyatların yol açdığı böyük "casus qalmaqalı" bu ölkənin xüsusi xidmət orqanları tərəfindən təsdiqlənsə də, istintaqın nəticələri hələ gizlin saxlanılır.

Almaniya Xarici İşlər naziri Frank Valter Ştaynmayer isə bildirib ki, hadisə ilə əlaqədar olaraq istintaqın açıqlığa qovuşması ABŞ-nın maraqları çərçivəsindədir. Hadisənin izlərinin gizlədilməsi yolverilməzdir. O, tezliklə bu məsələnin cümə günü Berlində açıqlığa qovuşacağını bildirib.

Xatırladaq ki, bir müddət bundan öncə Federal Kəşfiyyat Xidmətinin əməkdaşı ABŞ-a informasiya ötürməkdə günahlandırılaraq həbs olunmuşdu. Bunu müəyyən məbləğ qarşılığında etdiyini boynuna alan casus iki ildir həm Almaniya, həm də Amerika üçün çalışdığını və 2012-ci ildən bu yana 218 ədəd sənədi ABŞ gizli servislərinə ötürdüyünü açıqlamışdı.