Almaniyanın Federal Prokurorluğu ABŞ kəşfiyyatına işləyən daha bir şəxsin saxlanıldığını rəsmi şəkildə təsdiq edib.

Axar.az xəbər verir ki, Almaniya Federativ Respublikasının hüquq-mühafizə orqanları həmin şəxsin ofisi və yaşayış evində axtarış aparıldığını söyləyiblər.

ABŞ xüsusi xidmət orqanları ilə əməkdaşlıq edən yeni agentin Almaniyanın hərbi dairələrində çalışdığı bildirilir. O öz hərəkətləri ilə hərbi əks-kəşfiyyat idarəsi olan MAD-ın diqqətini öz üzərinə cəlb edib.

Qeyd edək ki, bir müddət öncə daha bir agent həbs edilmişdi. O, alman millət vəkillərinin Amerika kəşfiyyat şəbəkəsinin ölkədə fəaliyyət göstərməsi haqqında gizli qanun haqqında Vaşinqtona məlumatlar ötürdüyünə görə tutulmuşdu. Həmin şəxsin 200 gizli sənədi ABŞ-a ötürdüyü söylənilmişdi.

Onu da xatırladaq ki, hazırda Pekində səfərdə olan ABŞ Dövlət katibi Con Kerri hadisəylə bağlı şərh verməyib.