Amerika Birləşmiş Ştatlarının Dövlət Departamenti ilk dəfə olaraq rəsmən Rusiyanı terrorçuluğu maliyyələşdirməkdə və onu yönətməkdə qınayıb.

Axar.az xəbər verir ki, sözügedən qərarın tam mətni Dövlət Departamentinin rəsmi saytında yerləşdirilib. Sənəddə deyilir ki, dəfələrlə sülh tərəfdarı olduğunu bildirsə də, Rusiya Donbas və Luqansk vilayətlərindəki terrorçuları dəstəkləməkdən vaz keçməyib. Əksinə, onlara hər cür yardımlar edilib. Bundan başqa, materialda deyilir ki, Kreml hərbi texnikası və əsgəri qüvvəsini Ukrayna sərhədlərinə cəmləşdirib və faktiki olaraq qarşı tərəfi gərginlik altında saxlayır.

Dövlət Departamenti həmçinin Rusiya ordusunun ölkənin cənub bölgələrində tez-tez yerdəyişməsini və rusların qondarma separatçı qurumların rəhbərliyində təmsil olunmalarını tənqid edib.