İsveçin Xarici İşlər Nazirliyinin kompüterlərində casus proqramları aşkar edilib.

AzərTac xəbər verir ki, casus proqramları aşkar edilmiş kompüterlər Asiya üzrə analitikə məxsusdur. Bu mütəxəssis Çinin öyrənilməsi məsələləri ilə məşğul olur.

Texnikaya yoluxdurulmuş "Troya atı" deyilən virus proqramı gizli istifadəçilərin nəinki sizin kompüterdəki informasiyanı əldə etməsinə, hətta həmin informasiyanı məsafədən idarə etməsinə imkan verir.

Bu kompüterdən göndərilmiş məlumatların trafikinin izlənilməsi nəticəsində məlum olub ki, bütün informasiya Pekindəki bir firmanın adına göndərilib.

Lakin hələlik, İsveç XİN-in kompüter sisteminə bu müdaxiləyə Çin hökumətinin aidiyyətinin olmasını təsdiqləyən heç bir dəlil yoxdur.