Dünya keçmiş sistemdən yeni sistemə keçir və bu yeni sistemin özəllikləri tam olaraq bəlli deyil.

Axar.az xəbər verir ki, bunu “Keyhan” qəzetinə müsahibəsində amerikalı filosof, yazar Avram Noam Çomski söyləyib.

“Bu keçidin koordinatları dünyadakı güc primadasındakı dəyişikliklər, mövcud beynəlxalq rejimlər və quruluşların, o cümlədən Amerikanın zəifləməsi, yeni regional rejimlərin formalaşması, dünyadakı ticarət və maliyyə əlaqələrində dolların ucuzlaşması şəkilində görülə bilər.

ABŞ II Dünya savaşından sonra dünyadakı müxtəlif sahələrdə ən üstün güc oldu. Amerika indiyə qədər heç vaxt dünyanı başqalarının fikirlərinə diqqət yetirmədən idarə etməyib. Onun bu savaşdan sonra əldə etdiyi güc yavaş-yavaş geriləməyə başlayıb. Dünya artıq Rusiya, Çin və ABŞ-ın yeni qütblər olacağı geometriya görməyə başlayır. Bu gün üçqütblü sistem müstəmləkəçilik və sənaye sistemlərinin yenidən formalaşdırılması zamanının düzəldilməsinin nəticəsidir. Bunun nəticəsində Şimali Amerika, Avropa və şimal-qərbi Asiyada super iqtisadiyyatlar ortaya çıxıb. Üç qütblü dünyanın yaranmasından sonra ABŞ SSRİ-nin çökməsinə rəğmən öz qüvvəsini itirməyə başladı. Bu həqiqətlə bərabər, Amerikanın hələ də hərbi sahədə dünyanın ən zəngin ölkəsi olmağa davam etdiyini və dünyanın sərvətinin yarısını formalaşdırdığı vurğulanmalıdır. Çin bundan sonra qlobal iqtisadiyyatın gələcəyində mühüm rol oynayacaq. Amerikanın hazırda ən böyük problemi Çinin gələcəyə baxış bucağıdır”, – deyə o bildirib.