Rusiya prezidenti Vladimir Putin ilə ABŞ prezidenti Barak Obama arasında telefon danışığı olub.

Axar.az xəbər verir ki, telefon danışığında Putin sanksiyaların ikitərəfli əlaqələrə və beynəlxalq sabitliyə ciddi ziyan verəcəyini deyib.

Qeyd edək ki, telefon danışığı zamanı iki liderin ölkələr arasında əlaqələrin fərqli yöndə inkişaf etdiyi, sanksiyaların çox pis nəticələrə səbəb olacağı qeyd olunub.

Kremldən verilən açıqlamada Putin və Obama Ukrayna böhranı barədə müzakirə edərkən Rusiya və ABŞ-ın şərqi Ukraynada yaşananlara fərqli bucaqdan baxdığı, lakin qarşıdurmaların dayandırılması üçün dialoqun başlanılmasına hər iki tərəfin razı olduğu bildirilib.

Onu da bildirək ki, Ağ Evdən verilən açıqlamada bildirilir ki, Obama telefon danışığında Rusiyanın 1987-ci ildə imzaladığı Orta mənzilli Nüvə silahları haqqında sazişin (INF) öhdəliklərini yerinə yetirməyə çağırıb