Ukrayna - Avropa Birliyi arasında iqtisadi əməkdaşlıqla bağlı məsləhətləşmələr üçtərəfli formatda keçirilməli və Rusiya bu danışıqlarda iştirak etməlidir.

"Axar.az"ın məlumatına görə, bu açıqlamanı Ukraynanın Baş naziri Nikolay Azarov verib.

Qeyd edək ki, noyabrın 21-də Ukrayna AB-nin "Şərq Tərəfdaşlığı" üzrə Assosiativ müqavilənin imzalanması hazırlıqlarını davam etdirməyi dayandırdıqdan sonra AB müzakrələri ikitərəfli formatda – Rusiyasız - davam etdirməyi irəli sürüb.

Baş nazir sözünü belə əsaslandırıb ki, bir tərəfdə Avrointeqrasiya, digər tərəfdə Rusiya tərəfdarları var, belə olan halda müzakirələr üçtərəfli aparılmalıdır.

"Rusiya bizim bu təklifimizi qəbul edib. İndi söz Avropanındır", - deyə Azarov bildirib.