2018.04.01. 13:29

İran-İraq sərhədində 5.4 bal gücündə zəlzələ baş verib.

Axar.az xəbər verir ki, bu barədə Avropa və Aralıq dənizi Seysmoloji Mərkəzin (EMSC) məlumatında deyilib.

Yeraltı təkanlar Bağdad şəhərinin 170 kilometr şimal-şərqində baş verib. Zəlzələnin ocağı yerin 52 kilometr dərinliyində qeydə alınıb.

Həlak olan və ya xəsarət alanların olması barədə informasiya verilməyib.

***

17:11

İranın qərbində baş verən zəlzələ zamanı ən azı 23 nəfər xəsarət alıb.

Bu barədə “Tasnim” xəbər agentliyi məlumat yayıb. Xəsarət alan şəxslərə ambulator tibbi yardım göstərilib.

***

Zəlzələdə zərərçəkənlərin sayının 38-ə çatdığı bildirilib.

***

İranda növbəti dəfə zəlzələ qeydə alınıb.

Aralıq dənizi Seysmoloji Mərkəzinin məlumatına görə, yerli vaxtla 22:56-da qeydə alınan 4,2 ballıq yeraltı təkanların episentri paytaxt Tehrandan 91 km şərqdə, ocağı 10 km dərinlikdə yerləşib.

Dağıntı və zərərçəkənlər barədə məlumat verilmir.