İngiltərə və ABŞ liderlərinin NATO zirvəsində İŞİD-ə qarşı beynəlxalq koalisiya qurulması üçün təklif edəcəyi gözlənilir.

Axar.az xəbər verir ki, bu iddia ilə İngiltərənin nüfuzlu "Qardian" qəzeti çıxış edib.

ABŞ Dövlət katibi Con Kerri zirvədən öncə əsas məqsədlərinin müttəfiqləri razı salmaq olduğunu xatırladaraq bildirib ki, toplantıda İŞİD-ə qarşı olan bütün radikal qruplara silah yardımı edilməsi ilə bağlı qərar veriləcək:

"Toplantıda İŞİD-in əsirliyində olan İngiltərə vətəndaşlarının azad olunması üçün xüsusi əməliyyatın keçirilməsi, İraqda İŞİD-ə qarşı genişmiqyaslı hərbi əməliyyatların başlanması, Suriyada İŞİD-ə qarşı döyüşən bütün radikal qüvvələrə, o cümlədən Əsəd rejiminə qarşı döyüşən müxaliflərə və Əl Nüsraya silah yardımı edilməsi, İraq ordusuna və kürdlərə silah yardımı edilməsi qərarları veriləcək".