Hazırda Rusiya və Ukraynanın bir-birinin enerji obyektlərinə zərbələr endirməkdən qarşılıqlı şəkildə imtina etməsi ilə bağlı yekun razılaşma yoxdur.

Axar.az xəbər verir ki, bunu “Faynənşl Tayms” nəşrinin jurnalisti Kristofer Miller X hesabında yazıb.

“Tramp hadisələri qabaqladı. Kiyevdəki məlumatlı şəxslərdən aldığım informasiyaya görə, hazırda müəyyən məsələlərin razılaşdırılması üzərində iş gedir. Lakin onlar xəbərdarlıq edirlər ki, hələ yekun razılaşma yoxdur”, - o bildirib.

O əlavə edib ki, razılaşmanın detalları hələ də bəlli deyil.

Qeyd edək ki, ötən gün Tramp Rusiya və Ukraynanın enerji obyektlərinə zərbələri dayandırmaq barədə razılaşdıqlarını bəyan edib.