Rusiyanın Sibir regionunun Evenkiya dairəsində yerli sakinlərin ərzaq növbəsində dayandığını əks etdirən görüntülər yayılıb.

Axar.az xəbər verir ki, regiona ərzaq tədarükündə ciddi problemlər yaşandığı və hakimiyyət orqanlarının bununla bağlı heç bir tədbir görmədiyi bildirilir.

Videodan da görünür ki, ailələr ərzaq satın almaq üçün azyaşlı övladları ilə saatlarla növbədə dayanır.

Ərzaq satışı ciddi şəkildə məhdudlaşdırılıb: Paylaşılan siyahıda 3 kq kartof, 10 yumurta və bir qutu süd kimi limit qeyd olunur.

Lentə alınan digər videoda anbarlarda ərzaq ehtiyatının demək olar ki, tükəndiyi görünür.