Rusiyalı aktivist Aleksey Navalnı Vladimir Jirinovksinin oğlunun gəlirləri ilə bağlı araşdırma yayımlayıb.

Axar.az xəbər verir ki, Navalnı İqor Vladimiroviçi Lebedevi qeyri-qanuni gəlir əldə etməkdə təqsirləndirib.

Araşdırmada bildirilir ki, Vladimir Jirinovskinin oğlu Lebedev 27 yaşında parlamentə millət vəkili seçilib. Jirinovskinin oğlu atasından fərqli olaraq utancaq və təvazökardır. O, müntəzəm sərt bəyanatlarla çıxış etmir. Rusiya onu vətənpərvər kimi tanıyır.

Liberal Demokrat Partiyası Rusiyada aktiv qanunların parlamentə çıxarılmasında və "Beşinci kolon"a qarşı mübarizədə seçilir. Məhz bu fəaliyyətinə görə İqor Vladimiroviç əlavə əmək haqqı və medal ilə təltif edilib.

O, 2009-cu ildə 178 milyon rubl gəliri olduğunu bəyan edib. Elə həmin il Lebedev 200 milyon rubl dəyərində dörd mənzil alıb.

Bundan başqa, Vladimir Jirinovskinin oğlu, Dövlət Dumasının sədr müavini İqor Lebedev Dubayda 87 milyon rubl dəyərində balkonunda cakuzisi olan bir mənzil alıb. Mənzilin panoraması Dubayda süni şəkildə salınan məşhur palma adasına (Palm Jumeirah) açılır.

Millət vəkili evləri necə almasını bu günə qədər izah etməyib və gəlirlərinin hardan qaynaqlandığını açıqlamayıb.

O, araşdırmasının sonunda Jirinovskinin oğluna görə "Beşinci kolon"a xəbərdarlıq edib.