Məşhur media maqnatı Rupert Murdoxun 46 yaşlı qızı Yelizaveta 13 ildir evli olduğu Metyu Freyddən boşanır.

Axar.az xəbər verir ki, iki uşaqları olan cütlüyün boşanmasına səbəb Freydin qaynatası ilə olan problemidir.

83 yaşlı Rupert Murdox ötən il həyat yoldaşı Vendi Denqdən boşanmışdı və səbəb kimi qadının onu İngiltərənin keçmiş baş naziri Toni Blerlə aldatmasını göstərmişdi.

Bler bu ittihamları rədd etsə də, baş verənlər milyarderlə onun münasibətlərini soyutmuşdu.

Metyu Freyd də qaynatası ilə Bler arasındakı davada ingilis siyasətçinin tərəfini saxlamışdı, hətta Blerin qatılacağı öz ad gününə qaynatasını dəvət etməmişdi. Bu hadisə ailədə böyük qalmaqala səbəb olmuşdu.

O vaxt Avstraliya və İngiltərə mətbuatı Yelizavet Murdoxun atası ilə eri arasında qaldığını və çətin günlər keçirdiyini yazmışdı.