"Mən Çeçen müharibəsi zamanı Şamil Basayevin gizli təbliğatına rəhbərlik edirdim".

Axar.az "Politnavigator.net" saytına istinadən xəbər verir ki, bu açıqlama ilə ukraynalı rejissor Aleksandr Muratov çıxış edib. O, Ukraynanın həyata keçirdiyi təbliğatın doğru olmadığını bildirib:

"Bu axmaqcasınadır və düzgün təbliğat deyil. Onlara güllərlə yox, tanklarla bacardığımız qədər daha çox cavab verməliyik. Bizim döyüşçüləri sakitləşdirmək əvəzinə onlara kömək etmək lazımdır. Yoxsa onlar atəş açır, biz isə cavab vermirik. Mən Çeçen müharibəsi zamanı Şamil Basayevin gizli təbliğatına rəhbərlik edirdim. Onunla işləmək İnformasiya naziri olan Mövladi Uduqovla işləməkdən daha səmərəli idi. Biz rus silahlıları arasında müxtəlif video-çarxlar yayırdıq. Biz mahnılar, şeirlər yazır, vərəqələr paylayırdıq. Yəni çox böyük işlər görürdük. Çeçenlərin bu məsələdə pullarına heyfi gəlmirdi".