Yuxarı

Prezidentin “Bakı oyunu”: Başçının vəzifədən getməsinin sirri

Ana səhifə Planet
12 Punto 14 Punto 16 Punto 18 Punto

"Qurban Qurbanovun vəzifədən gedəcəyi iyul ayında bəlli idi".

Bu barədə Axar.az-a məlumat Dərbənddəki mənbədən daxil olub.

Mənbə prezident Abdullatipovun Dərbənd meri Qurban Qurbanovu çoxdan vəzifədən çıxartmağa çalışdığını deyib. O, prezidentin Azərbaycan hakimiyyəti ilə əlaqələrinin səmimiliyindən narahat olduğuna görə bu addımı atdığını bildirib:

"Qurbanovun vəzifədən gedəcəyi iyul ayında hər kəsə bəlli idi. Bunun üçün isə iki variant var idi: ya Qurbanovun özü istefa verməli, ya da zorla buradan çıxarılmalı idi. Abdulatipov böyük oyun qurdu və axırda uğura nail oldu".

O, oyunun yekun mərhələsinin iyulun 25-də başladığını söyləyib. Mənbə məhz həmin gün Abdullatipovun Dağıstan rayonlarının rəhbərlərini Mahaçkalaya topladığını deyib. Bundan sonra isə çıxış edən prezident Dərbənd bələdiyyəsini keçmiş Ədliyyə naziri olan Azadi Rəhimovun idarə edəcəyini bildirib:

"Məhz bu çıxışdan sonra Qurbanovun taleyi həll olundu. İyulun 30-da Dərbəndə Dağıstanın Prezident Administrasiyasının rəhbəri, köməkçisi və bir neçə nazir gəlir. Onlar Qurbanova vəzifədən könüllü getməyi təklif edirlər".

Mənbə Qurban Qurbanovun otağında olan söhbət zamanı bələdiyyə sədrinin Abdullatipovun nümayəndələrinə sərt etiraz etdiyini söyləyib. Buna səbəb kimi isə rayondakı seçicilərin onun vəzifədən getməsinə qarşı olmalarını göstərib.

O, məhz bu cavabın Dərbənddə kütləvi şəkildə yoxlamaların başlanılmasına səbəb olduğunu bildirib. Mənbə həmçinin tezliklə Dərbəndə Dağıstan Hesablama Palatasının nümayəndələrinin göndərildiyini və burada maliyyə fırıldaqlarını araşdırdıqlarını vurğulayıb:

"Əslində əsas məqsəd onun Bakı ilə münasibətlərinin yaxşı olmasına görə vurulması idi. Qurban Qurbanovun vurulmasından sonra bir neçə nəfər də işdən çıxarıldı. Amma yaxın müddət ərzində Dərbənddə vəzifədə olan daha bir neçə azərbaycanlının vəzifədən çıxarılması nəzərdə tutulub. Abdullatipov bununla Bakının buradakı nüfuzunu digər millətlərin nümayəndələrini vəzifəyə gətirmək vasitəsilə endirməyə çalışır".

Onu da xatırladaq ki, Dərbənddəki mənbənin verdiyi məlumatla yanaşı, artıq rus mətbuatı da Qurban Qurbanovun həbsinin Azərbaycanın bölgədə kifayət qədər güclü nüfuz sahibi ilə əlaqədar olması ilə əlaqələndirir. Bu istefanın isə Qarabağda bir müddət öncə hərbi əməliyyatların qızışması dövründə baş verməsi Abdullatipovun Dərbənddə Bakının hakimiyyətini azaltmaq istəməsiylə əlaqədar iddiaları daha da gücləndirib.

Ümumiyyətlə, Dağıstan rəhbərliyinin Qurban Qurbanova qarşı fəaliyyəti bir neçə dəfə təkrarlanıb. Bakının burada nüfuzunun azaldılması isə elə Azərbaycandan başlayıb. Qurban Qurbanovun qardaşı, Azərbaycanla yaxşı əlaqələrə malik olan Dağıstan Respublikasının Azərbaycandakı nümayəndəsi Maqomed Qurbanovun iyunun 10-da vəzifədən götürülməsi Abdullatipovun tələsinin qurulmasına start verib. Prezident daha sonra bu vəzifəyə azərbaycanlı yox, əslən kumık olan biznesmen Marat Askendarovu təyin edib. O isə öz növbəsində Rusiya Dövlət Dumasının deputatı olan Zaur Askendarovun qardaşıdır.

Məhz bu dəyişikliyin ardınca Qurban Qurbanovun vəzifədən çıxarılması əldəki bütün kartların açığa çıxmasına səbəb olub. Amma ən maraqlı məqam isə Azadi Rəhimovun bu vəzifəyə gətiriləcəyidir. Belə ki, keçmiş Ədliyyə naziri əslən Tabasarandandır. Azərbaycanlılarla böyük iş praktikasına malik olan Rəhimovun buraya gətirilməsi Mahaçkalaya Qurban Qurbanovdan daha çox sərfəlidir. Çünki Rəhimov 12 illik idarəetmə təcrübəsinə malikdir və ölkənin geopolitoloji maraqlarını təmin etmək üçün ən yararlı adamdır.

Görünür, Abdullatipov bu işi özbaşına planlaşdırmayıb. Onsuz da bir müddət öncə yerli politoloqlar Qurbanovun vəzifədən getməsinin daha çox Kremllə əlaqədar olduğunu bildirirdilər. Rusiya istənilən halda hər zaman onun üçün daimi təhlükə mənbəyi olan Şimali Qafqazda hər hansı boşluq buraxmaq niyyətində deyil. Qonşu dövlətlərdən hansısa birinin onun cənub sərhədlərinə təsir edəcək kiçik qüvvəyə belə malik olması Moskvaya Qərblə intriqasının gücləndiyi bir zamanda sərf etməyən məqamdır.

Tarix
2014.10.22 / 09:15
Müəllif
İlkin Həsənov
Şərhlər
Digər xəbərlər

Rəsmi İrəvan gərəksiz bəhanələr axtarmaq əvəzinə…

Bu, Ermənistanı yeni təxribatlara təşviq edə bilər

ABŞ-ın bu addımları bizi məyus edir - Hacıyev

Bakı və İrəvan sülhə yaxındır, ancaq… - Hacıyev

Akar ABŞ konqresmenləri ilə sülh prosesini müzakirə etdi

İrəvan İranın “qırmızı xəttini” zorlayır, həm də tək yox!

Arkov: Bakı buna çox sərt cavab verəcək

Erməni: Həyətim Azərbaycan ərazisinə düşür - Video

Vaşinqton bu ölkəyə qarşı yeni ittifaq yaradır

Araikin müsahibəsi ilə bağlı AzTV-dən yeni açıqlama

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla