"Ukraynanın şərqində baş verən hadisələr Avropada irimiqyaslı ekoloji fəlakətə gətirib çıxara bilər".

Axar.az xəbər verir ki, bu açıqlama ilə Ukrayna Müstəqil Mədənçilər İttifaqının sədri Mixail Volınet çıxış edib. Onun sözlərinə görə, separatçılar bölgənin tarixinə önəm vermədilər və bunun nəticələri fəlakətli ola bilər:

"Donbasda yerləşən "Poltava" şaxtası sular altında qaldı. Bu təhlükə digər şaxtaları da gözləyir. Bu mədənlər 1979-cu ildə nüvə partlayışının baş verdiyi "Yunkom" mədəninə çox yaxındır. Nəzarətsiz bölgələrdə sel suları radioaktiv və ölümcül kimyəvi maddələri yerin səthinə çıxara bilər. Belə olan halda radioaktiv çirklənmə səviyyəsi təxminən min dəfə yüksək olacaq. Regionu radiasiya və kimyəvi təhlükə gözləyir. Sovet dövründə ölümcül sahə lokallaşdırılıb və bağlanıb. Lakin indi nəzarətsiz sular evlərə, əkinçilik sahələrinə yayılacaq və ölümcül çirkli bataqlığa çevriləcək. Nəticədə Cənubi Donetsk çayı, Don və Azov dənizləri də çirklənəcək. İnsanlar gözlənilən fəlakətin fərqində deyillər. Təxirəsalınmaz tədbirlər görülməzsə, ölümcül sular 4-5 aya fəlakət yaradacaq".