Yunanıstan Xarici İşlər Nazirliyi Baş nazir Aleksis Çiprasın helikopterinin Aqatonissi adasına səfəri zamanı izlənməsiylə bağlı Türkiyəyə etirazını bildirib.

Axar.az xəbər verir ki, bu məlumatı Yunanıstan Xarici İşlər Nazirliyi yayıb.

Məlumata görə, insidentlə əlaqədar Türkiyənin Afinadakı səfiri XİN-ə çağırılıb və ona Türkiyə aviasiyasının hərəkətiylə bağlı sərt etiraz çatdırılıb.

Qeyd edək ki, bundan öncə Çipras helikopterinin Türkiyə təyyarələri tərəfindən izlənildiyi ilə bağlı məlumat yaymışdı. Türkiyə tərəfi Çiprasın iddialarını təkzib etmişdi və təyyarələrinin heç bir helikopterə maneə yaratmadığını bildirmişdi.