Ana səhifə Planet |
İranda mobil telefon, radio və televiziya yayımının siqnalını azaltmaq üçün istifadə olunan "siqnal pozucuları"nın sağlamlığa ciddi ziyan vurduğu aşkar olunub.
Axar.az-ın məlumatına görə, əhali üçün ciddi təklükəyə yol açan "siqnal pozucuları" hakim orqanlar tərəfindən müzakirə olunacaq.
İran Nəqliyyat naziri Mahmud Vaizi verdiyi açıqlamada bildirib ki, Prezident Həsən Ruhani Sosial Rifah və Sağlamlıq nazirləri və Atom Enerjisi və Ətraf mühit başçılarından "siqnal pozucuları"nın təhlükəli xəstəliklərə yol açıb-açmayacağına dair əhatəli bir araşdırma tələb edib:
"Mütəxəssislər paytaxt Tehranın müxtəlif bölgələrində parazitlər (siqnal pozucuları) haqqında hesabat hazırlayaraq daha əvvəl də Prezident Ruhaniyə təqdim etmişdi. Ancaq bu parazitlərin bəziləri bizim əhatə dairəmizdə deyil".
Xatırladaq ki, İranda bəzi xarici televiziya kanallarının izlənilməməsi üçün 2001-ci ildən etibarən peyk siqnallarını pozmaq üçün "siqnal pozucuları" istifadə edilir. Mütəxəssislər isə ölkədə çox tez-tez istifadə edilən "siqnal pozucuları"nın yüksək radiasiya yayan cihazlar olduğunu, bunun da xərçəng riskini artırdığını iddia edir.
Tarix
2014.12.01 / 00:06
|
Müəllif
Şəmsəddin Ənsar
|