ABŞ-ın keçmiş prezidenti Barak Obama ötən həftə Almaniya kansleri Angela Merkellə görüşmək və gənclərlə siyasətlə bağlı müzakirələr aparmaq üçün bu ölkəyə səfər edib.

Axar.az xəbər verir ki, 2016-cı ildə vəzifəsini tərk etdikdən sonra ikinci dəfə Merkellə görüşən Obama “Dünya liderlər zirvəsi”ndə əksəriyyəti gənclərdən ibarət 14 min nəfərə xitab edib.

Çıxışı zamanı Obama xüsusən iqlim dəyişikliklərinə diqqət çəkib. Almaniya kansleri isə gərgin iş qrafikinə baxmayaraq, 75 dəqiqəsini Obamaya ayırıb.

“Tanış bir şəkildə bir-birilərinin gözlərinə baxırlar. Sanki böyük alman-amerikan sevgisi davam edirmiş kimi”, - “Bild” nəşri Obama-Merkel fotosunu bu başlıqla oxucularına təqdim edib.