Eka Beseliya və Gürcü Arzusu Partiyasını tərk edənlərin getmək üçün heç bir səbəbləri olmayıb.

Axar.az xəbər verir ki, bunu “İmedi” televiziyasına açıqlamasında Gürcü Arzusu Partiyasının sədri Bidzina İvanişvili deyib.

“Onlar partiyadan açıq qapıları qıraraq gediblər. Mən bunu sübut edəcəyəm. Ümumilikdə partiyasını tərk edən siyasətçinin öz komandasından getməsi üçün heç bir əsası yoxdursa, onun siyasi perspektiv qurması çətindir”, – deyə o bildirib.

İvanişvili hakim partiyanın fraksiyasında müəyyən problemlərin olduğunu da etiraf edib.

Qeyd edək ki, bundan öncə Gürcü Arzusu Partiyası parlamentdəki əsas üstünlüyünü itirib. Buna səbəb fraksiyanı partiyanın yaradıcılarından olan Eka Beseliya, Qedevan Popxadze, Levan Qoqiçaişvili, Zviad Kvaçantiradze, Beka Natsvlişvili, Giya Jorjoliani, Koba Narçemaşvili, Mirian Çiklauri kimi deputatların tərk etməsi olub.