Məşhur fransız aktyoru, ötən il Rusiya vətəndaşlığını qəbul edən Jerar Depardye Afrikada səfərdə olarkən iki şiri öldürüb yediyini etiraf edib.

Axar.az xəbər verir ki, Depardye bu barədə "İndependent Maqazin" dərgisinə verdiyi müsahibəsində deyib.

Depardyenin sözlərinə görə, o və yoldaşları şirləri məcburiyyətdən öldürüblər:

"Maşınımız Burkino-Fasoda yolların birində xarab oldu. Kolların arasından iki şir çıxaraq gəlib maşınımızın qarşısında dayandılar. Saatlar keçdi, amma biz avtomobildən düşə bilmirdik, afrikalı sürücümüz isə çox qorxmuşdu. Bizim onları güllələməkdən savayı çarəmiz qalmamışdı".

Jurnalistin "Siz onları yedinizmi" sualına Depardye "hə" cavabını verib.