"Müsəlman Qardaşları" təşkilatının (İhvan) siyasi qanadı Azadlıq və Ədalət Partiyasının baş katibi Məhəmməd əl-Biltaci məhkəməni təhqir etdiyinə görə 6 il həbsə məhkum edilib.

Axar.az xəbər verir ki, hökm Misirdə inqilab nəticəsində devrilən Məhəmməd Mursi və 130 adamın mühakimə olunduğu məhkəmədə verilib.

Mühakimə qaynaqlarından verilən məlumata görə, paytaxt Qahirədə yerləşən Polis Akademiyasında yaranan qarşıdurma zamanı Mursinin 3-4 iyul 2013-ci ildə saxlandığı zaman yüksək rütbəli generalların səs yazısı aşkar olunub. Həmin səs yazısının istintaq materiallarında istifadə edilmədiyi bildirilir.

Məhkəmə zamanı Biltaci həmin CD formatında olan səs yazılarının araşdırılmasını tələb edib. Bundan sonra məhkəmə heyəti Biltacinin məhkəmə salonunu tərk etməsini tələb edib. Nəhayət, "ədalətli deyil" sözünü məhkəməyə təhqir olaraq qiymətləndirən hakimlər ona 6 il iş kəsib.

Daha sonra baş hakimin göstərişi ilə sözügedən CD-lərin araşdırılması üçün məhkəmə yanvarın 10-dək təxirə salınıb.