Rusiya tərəfindən ilhaq edilən Sevastopolda SSRİ rəhbəri Stalinin şəklinin olduğu Yeni il lövhələri yerləşdirilib.

Axar.az xəbər verir ki, bu barədə Feysbuk səhifəsində rusiyalı rejissor Vitali Manski məlumat yayıb.

Sözügedən lövhədə Stalinin şəklindən əlavə bayram təbriki və Rusiya Federasiyası Kommunist Partiyasının emblemi var. Yüz minlərlə Krım tatarını sürgün edən Stalinin şəklinin olduğu lövhələrin Sevastopolda yerləşdirilməsi etirazla qarşılanıb.

Qeyd edək ki, 1944-ci ildə Stalinin qərarı ilə 193.865 Krım tatarı yarımadadan Özbəkistan SSR və Sovet İttifaqının digər bölgələrinə deportasiya edilib. Özbəkistana deportasiya edilən 10 mindən çox Krım tatarı acından ölüb.