2019.07.22 - 20:49

Keçmiş AKP-çi Əli Babacanın quracağı yeni partiya ilə bağlı mühüm məlumat yayılıb.

Axar.az xəbər verir ki, bu barədə danışan türkiyəli yazar Əli Bayramoğlu yeni partiyada yer alacaq adları açıqlayıb.

Bayramoğlu TV5 televiziyasında iştirak etdiyi "Sərbəst Fikir" proqramında Əli Babacan və Abdullah Gül tərəfindən qurulacaq yeni partiyanın ilkin heyətində Türkiyənin demokratikləşməsi və demokratikləşmə planlarının hazırlanmasında ən təsirli şəxslərdən Bəşir Atalayın yer alacağını bildirib.

Heyətdə Ədliyyə Nazirliyində mühüm şəxslərdən biri olmuş Sədullah Ərgih də olacaq. Bundan əlavə, siyahıda Konstitusiya Məhkəməsinin keçmiş sədri Haşim Kılıç, iqtisadiyyat və siyasət məsələləri üzrə olduqca rasional mövqeyi olan Nihad Ərgin də var.

***

Əli Babacanın keçmiş nazirlərdən Egemən Bağışa da təklif göndərdiyi iddia edilib.

FETÖ tərəfindən hədəf alındıqdan sonra uzun müddət heç bir vəzifədə yer almayan Bağışın Babacanın təklifinə müsbət yanaşmadığı bildirilib.

Qeyd edək ki, bir müddət öncə İYİ Partiyasının rəsmisi Aytun Çıray Bağışın Çexiyaya səfir təyin ediləcəyini iddia etmişdi.