Rusiya Prezidenti Vladimir Putin isveçli iqlim aktivisti Qreta Tunberqi sərt tənqid edib.

Axar.az xəbər verir ki, Soçidə keçirilən Valday Forumunda çıxış edən Kreml rəhbəri 16 yaşlı qızı müəyyən qrupların əlində alət olmamağa çağırıb.

“İnkişaf etməkdə olan ölkələrə nə üçün yoxsulluq içərisində yaşadığını və nə üçün İsveç kimi olmayacaqlarını söylə! 16 yaşlı qız bəzi qrupların hədəfləri uğrunda alət kimi istifadə edilir. Acınacaqlı durumdur. Afrika və Asiyanın bəzi ölkələrinin vətəndaşları da tamamən İsveçdəki kimi həyat standartlarına sahib olmaq istəyir. Heç kim modern dünyanın necə qarmaqarışıq və qəliz olduğunu Qretaya söyləməyib”, - Kreml rəhbəri bildirib.

Buna baxmayaraq, dövlət başçısı Qretanın kübar və səmimi qız olduğuna inandığını da əlavə etməyi unutmayıb.