İsrail hökumətinin səlahiyyətlisi Qolan təpələrində reallaşan hücumda İran generalını hədəfə almadıqlarını açıqlayıb.

Axar.az xəbər verir ki, adının çəkilməsini istəməyən İsrail rəsmisi Suriyanin Kuneytra bölgəsində təşkil edilən avia-əməliyyatda həyatını itirən iranlı general Məhəmməd Əli Allahdadiyə görə təəssüf hissi keçirdiklərini bildirib.

"Röyter"ə danışan Tel-Əviv rəsmisi əməliyyat zamanı İran generalının bölgədə olduğunu bilmədiklərini deyib:

"Belə bir məqsədimiz yox idi. Biz partizan dəstəsini hədəfə almışdıq".

Xatırladaq ki, bu hadisədən sonra Hizbullah lideri Seyyid Həsən Nəsrullah və İran İnqilab Keçikçilərinin komandiri Məhəmməd Əli Cəfəri baş verən hadisəyə görə İsrailin cavab verəcəyini açıqlayıb.