İstədiklərimizi aldıq.

Axar.az xəbər verir ki, bu sözləri Türkiyə Xarici İşlər naziri Mövlud Çavuşoğlu Suriya ilə bağlı əldə edilən atəşkəs razılaşmasını şərh edərkən deyib.

O, YPG-dən ağır artilleriyanın toplanacağını bildirib:

“Bu, atəşkəs razılaşması deyil. 120 saat ərzində "Sülh çeşməsi" əməliyyatına fasilə verəcəyik. Terrorçu ünsürlərin çıxmasından sonra əməliyyatı dayandırmağımızdan söhbət gedə bilər".

Qeyd edək ki, az öncə ABŞ vitse-prezidenti Penslə Ərdoğan arasında Türkiyədə keçirilən görüş müsbət nəticələnib. Razılaşmaya görə, Türkiyə "Sülh çeşməsi" əməliyyatına 120 saatlıq fasilə verib, bu müddətdə isə təhlükəsizlik zonasından YPG-nin çıxarılması və ağır silahların bu terror təşkilaından geri alınmasını ABŞ öz üzərinə götürüb.