CHP sədri Kamal Kılıçdaroğlu Türkiyə Prezidenti Rəcəb Tayyib Ərdoğanın Somaliyə səfəri zamanı uşaqlara hədiyyə etdiyi kitabı gündəmə gətirərək onu qınayıb.

Axar.az xəbər verir ki, onun səsləndirdiyi fikirdən sonra prezidentin uşaqlara kitab hədiyyə verdiyini əks etdirən görüntülər sürətlə türk mediasında yayılıb.

Ərdoğanın Somalidəki uşaqlara "Əlibaba və qırx quldur" adlı kitabı hədiyyə etdiyini bildirən Kılılçdaroğlu deyib:

"Somaliyə gedib uşaqlara "Əlibaba və qırx quldur" kitabını hədiyyə edirlər. Türkiyədə kifayət qədər quldur var".

Bundan sonra media gerçəyi üzə çıxarıb və prezidentin Somaliyə səfəri zamanı xəstəxana açılışında uşaqlara boyama kitabı hədiyyə etdiyi məlum olub. Kılıçdaroğlunun əsas gətirərək Ərdoğanı günahlandırdığı şəkil isə fotomontaj imiş.