Milli mövqe sərgilədiyi üçün Türkiyə Prezidenti Rəcəb Tayyib Ərdoğanın yanındayam. Sabah “S-400-ləri almıram” desə, qarşısında olacağam.

Axar.az xəbər verir ki, bu sözləri məşhur türkiyəli iş adamı, siyasətçi Ədhəm Sancaq deyib.

“Mən Ərdoğanı Siirtdən millət vəkilliyinə namizəd olduğu dönəmdə tanımışam. Siirtdən bir baş nazir seçilsin deyə, ona dəstək olmağa başladım. Ərdoğanın xalqa yalan demədiyini gördüm. Milli mövqeyə sahib olduğunu gördüm. Dünyanın da strategiyasının anti-imprealist dönəmə daxil olacağının fərqinə vardım. Mən Amerika bayrağı daşıyan solçu olmaq istəmədim. Ərdoğan Amerika ilə mübahisə etməsəydi, onun yanında olmazdım”, - deyə Sancaq bildirib.