Ana səhifə Planet |
Krımda Azərbaycan icmasının etirazlarına baxmayaraq, Yaltada Sovet İttifaqı Qəhrəmanı azərbaycanlı Cəlil Nəcəbov adına parkda alış-veriş mərkəzi tikiləcək.
Axar.az xəbər verir ki, bu barədə Yalta bələdiyyə sədri Valeriy Kosarev açıqlama verib. O, tikinti işlərinin dayandırılması üçün hüquqi səbəblərin olmadığını bildirib:
"Bütün sənədləri araşdırdıq. Tikinti işləri qanuni şəkildə həyata keçirilir. Tikinti üçün icazə verilməməliydi və mən buna heç bir zaman icazə verməzdim. Parkın qorunması lazım idi, amma tikintiyə icazə verilib. Lakin biz parkın bir qismini və abidəni qoruyacağıq".
Qeyd edək ki, Yaltanı faşistlərdən azad etmiş 323-cü alayın komandiri, Sovet İttifaqı Qəhrəmanı Cəlil Nəcəbovun adını daşıyan park yeni il ərəfəsində hasara alınıb. Daha sonra ərazidə ağır texnika işə başlayıb, çoxillik ağaclar kəsilib və parkın böyük bir hissəsi qazılıb. Ötən ay Yaltada Azərbaycan icmasının etirazından sonra Cəlil Nəcəbov adına bağda tikinti işləri dayandırılmışdı.
Tarix
2015.02.10 / 19:14
|
Müəllif
İlham Sahiloğlu
|