Gürcüstanın Baş Prokurorluğu keçmiş prezident Mixail Saakaşvilinin ölkəyə ekstradisiyası üçün Ukrayna Baş Prokurorluğuna müraciət edib.

Axar.az xəbər verir ki, Prokurorluq rəsmi məlumatda Gürcüstanda Saakaşviliyə cinayət işinin açıldığını və onun axtarışda olduğunu bildirib.

Lakin Ukrayna Prokurorluğu iki ölkə arasında ekstradisiya haqqında saziş olmasına baxmayaraq, Gürcüstanla bu məsələdə əməkdaşlıq etmədiklərini və Mixail Saakaşvilinin ekstradisiyasını həyata keçirməyəcəklərini açıqlayıb.

Qeyd edək ki, fevralın 13-də Ukrayna Prezidenti Petro Poroşenko Gürcüstanının sabiq prezidenti Mixail Saakaşvilini özünün ştatdankənar məsləhətçisi təyin edib.