Rusiya Suriyada Türkiyənin mənafeyini diqqətdə saxlayır.

Axar.az xəbər verir ki, bu sözləri rusiyalı deputat Sergey Markov İdlibdə yaşanan son prosesləri şərh edərkən deyib.

Deputat Suriyada Rusiya-Türkiyə əməkdaşlığının davam edəcəyini bildirib:

“Ümumi mənafelər var. Məsələn, Soçi müqaviləsinin anlamı Türkiyənin mülayim silahlı müxalifətə təsir göstərməsi, onların da radikal Təhrir əş-Şam üzvlərini bölgədən qovması və sülh prosesinə qatılmasıdır. Eyni zamanda regionda iqtisadiyyatın canlanması üçün əlverişli şərtlərin yaradılması və bunun üçün M4 və M5 magistrallarının nəqliyyata açılması lazımdır”.

Markov əlavə edib ki, Suriya ordusu İdlibdə daha irəli getməyəcək:

“Suriya ordusu Türkiyə ilə geniş təhlükəsizlik zolağı saxlayacaq. Bu bölgə Türkiyə ordusunun nəzarəti altında qalacaq”.