ABŞ-ın sanksiyaları “Zəfər” peykinin orbitə buraxılmasına mane oldu.

Axar.az xəbər verir ki, bu sözləri İranın İnformasiya və Kommunikasiya Texnologiyaları naziri Məhəmməd Cavad deyib.

“Raketdaşıyıcılar və peyklər sahəsi də sanksiyalar altındadır. Heç kim bizi informasiya və texnologiya ilə təmin etmir. Təslim olmuruq və öz ayaqlarımız üzərində möhkəm dayanmışıq. “Zəfər-2”, “Nahid” və s. davam edir...” - deyə nazir bildirib.

Qeyd edək ki, İran uzaqdan idarə olunan “Zəfər” peykini “Simurq” raketdaşıyıcısı ilə orbitə çıxarmağı bacarmayıb. Raket peyki orbitə çıxarmaq üçün lazımi sürəti toplaya bilməyib.