Hindistan Baş naziri Narendra Modi koronavirusla mübarizə üçün birgə fövqəladə fond yaratmağı təklif edib.

Axar.az xəbər verir ki, Modi bu fikrini Cənubi Asiya Regional Əməkdaşlıq Assosiosiyasının rəhbər və nümayəndələrinin iştirak etdiyi konfransda səsləndirib.

“Regionumuzda 150-dən az koronavirusa yoluxma hadisəsi qeydə alınıb. Lakin biz ayıq-sayıq olmalıyıq. Mərhələli yanaşma panikanın qarşısını alacaq. Həssas kəsimlərə çatmaq üçün səy göstəririk. Yanvarın ortalarından etibarən Hindistana daxil olan insanları yoxlamağa başladıq və getdikcə məhdudiyyətləri artırdıq”, - deyə baş nazir bildirib.