Axar.az
Yuxarı

ABŞ İran katerlərini məhv etmək üçün nələr hazırladı...

Ana səhifə Planet
12 Punto 14 Punto 16 Punto 18 Punto

Hələ ABŞ Prezidenti Donald Tramp beynəlxalq sularda Birləşmiş Ştatlar donanmasının gəmilərini təqib edən İran sürətli katerlərini vurmaq əmri verməzdən əvvəl Pentaqon zəruri hazırlıq görübmüş.

Axar.az Virtualaz.org-a istinadən xəbər verir ki, ABŞ Hərbi Dəniz Qüvvələri Fars körfəzindəki gəmilərini qorumaq üçün AC-130 təyyarələrini və “Apaçe” vertolyotlarını səfərbər edib.

Xatırladaq ki, bir neçə gün əvvəl İran İnqilab Keşikçiləri Korpusunun sürətli katerləri Fars körfəzi sularında üzən ABŞ hərbi gəmiləri ətrafında təhlükəli manevrlər edib, katerlər hətta ABŞ gəmilərinin bir neçə metrliyinə qədər yaxınlaşıb. Bunun ardınca Prezident Tramp bildirib ki, hərbçilərə bir daha belə hallar təkrarlanarsa İran katerlərinə atəş açmaq və məhv etmək əmri verib.

ABŞ hərbi dəniz kəşfiyyatının məlumatlarına görə, hələ 2007-ci ildə İnqilab Keşikçilərinin 1000-dən çox kiçik sürətli katerindən ibarət donanması vardı. İndi bu katerlərin sayının daha çox olduğu təxmin edilir.

Agentlik yazır ki, Trampın İran katerlərinə atəş açmaq əmrindən əvvəl Birləşmiş Ştatların Mərkəz komandanlığı P-8A “Poseydon” dəniz kəşfiyyat təyyarəsinin, xüsusi əməliyyatlarda quru hədəflərinə qarşı tətbiq edilən, 30 millimetrlik toplarla silahlanmış AC-130 təyyarələrinin iştirakı ilə təlimlər keçirib.

Daha sonra aprelin 15-də ABŞ Hərbi Dəniz Qüvvələri AJ-64E “Apaçi” vertolyotları ilə koordinasiyalı əməliyyatları praktikadan keçirib. Komandanlığın yeni yanaşmasına görə, bu vertolyotlar Birləşmiş Ştatlar donanmasının ilk üzən dəniz bazası kimi layihələndirilmiş “Puller” gəmisində yerləşdiriləcək. Təlimlər zamanı daha kiçik gəmilər və esmineslər hədəfləri aşkar edərək koordinatları “Puller” gəmisinə ötürüb. Gəmidən qalxan “Apaçi” vertolyotları hədəfləri vurub.

ABŞ 5-ci donanmasının nümayəndəsi Rebbeki Rebariç bildirib ki, quru əməliyyatları üçün nəzərdə tutulmuş aviasiya texnikasının və vertolyotların bu cür dəniz əməliyyatlarda istifadəsinin sınaqdan keçirilməsi ilk dəfə baş verir. Bu da ABŞ və onun müttəfiqlərinə qarşı təhdidlərə cavab olaraq bütün vasitələrin işə salına biləcəyini göstərir.

“Bu təlimlər göstərir ki, ABŞ İranın kiçik gəmilərinə qarşı hücuma keçməyə hazırdır və təkcə müdafiə olunmaqla kifayətlənməyəcək”,-hərbi dəniz əməliyyatları rəisinin keçmiş xüsusi köməkçisi Brayan Klark deyib.

Onun sözlərinə görə, “Apaçi” vertolyotları İran katerlərinə hədəfə lazerlə yönləndirilən “Hellfire” raketləri buraxa və ya onları top atəşinə tuta bilər. “Vertolyotlar daha sürətli hərəkət etdiyi üçün onların İran sürətli katerlərinə qarşı tətbiq edilməsi gəmilərin tətbiqindən daha effektlidir. Çünki İran katerləri suda yüksək sürətlə manevr edib ora-bura tullana bilir. Mahiyyətcə həm də AC-130 həmin katerləri atəşə tutmaq qabiliyyətinə malikdir”, - ekspert bildirib.

Müdafiə naziri Mark Esper açıqlamasında Trampın əmri ilə bağlı bildirib ki, o, İran katerlərinə qarşı hansı taktikanın işə salınacağını açıqlamaq niyyətində deyil.

“Lakin onlar xəbərdarlıqdan agah olmalıdır və bilməlidir ki, biz bu cür davranışlarla barışmaq niyyətində deyilik”, - Esper deyib.

Tarix
2020.04.26 / 21:55
Müəllif
Axar.az
Şərhlər
Digər xəbərlər

Türkiyədən Aralıqla bağlı yeni elan: “Oruc Rəis” gəmisi...

Fransada güclü partlayış: insanlar təxliyə edilir

Əl-Qaidə liderlərindən biri də məhv edildi

Kabildə güclü partlayış: 29 ölü, 72 yaralı...

Madurodan gizlənən Lopez Kolumbiyaya qaçdı

Türkiyədə son sutkada yoluxma sayı açıqlandı

Ərdoğan Makronu tənqid etdi, səfir geri çağırıldı

Qonşuda 6 bala yaxın zəlzələ baş verdi

Almaniyanı çətin aylar gözləyir - Merkel

Daniyelyan: Mnatsakanyanın cavab verə bilmədiyi suallar...

KULT
<>
Xəbər xətti
 
  
  
  
yatsan
Axar.az'da reklam Bağla
Reklam
Bize yazin Bağla