Misirin Luxor şəhərində qızına baxmaq üçün düz 43 il kişi qiyafəsində işə gedən bir ana Misir hökuməti tərəfindən ilin anası seçilib.

Axar.az xəbər verir ki, "İlin anası" seçilən Sisa əbu Daoh adlı qadın 21 yaşında ərə gedəndən bir müddət sonra ərini itirib. Bu barədə məlumatı "Əl Ərəbiyyə" yayıb.

Həm özünün, həm də hələ bətnində olan uşağının qarnını doyurmaq məcburiyyətində olan ana kişilərin dünyasında qadın olaraq iş tapmağın və işləməyin haradasa qeyri-mümkün olduğunu görəndə kişi qiyafəsinə girmək qərarına gəlib.

"İlin anası" o vaxtdan etibarən kişi geyimində tikintidə, tarlalarda və təmizlik işlərində işləyib. Qızı ilə evlənən adam iflic olandan sonra isə 3 adama birdən baxmaq məcburiyyətində olan Sisa əbu Daoh hazırda 64 yaşındadır və hələ də Luxor qatar stansiyasında kişi qiyafəsində ayaqqabı boyamaqla məşuldur.