"Rusiya Krımda özünə Ramzan Kadırov kimi birini axtarır".

Axar.az xəbər verir ki, bu sözləri Krım tatarlarının lideri Mustafa Krımoğlu deyib.

Krımoğlu Rusiyanın tatarları öz tərəfinə çəkməyə çalışdığını, ancaq Ramzan Kadırovu tapmadığını bildirib:

"İşğalçı hakimiyyət Krım tatarlarını öz tərəfinə çəkmək istədi. Bunun üçün Rusiya Prezidenti Vladimir Putin işğalın ilk günlərində bizi görüşə dəvət etdi. Krım tatarları razılığa gəlmədi, bizlər arasında Kadırov tapmadığı üçün təzyiq üsullarına əl atdılar. Rusiya rəhbərliyi Krım Tatar Milli Məclisini neytrallaşdırmağa çalışdı. Əvvəl yüksək maaş təklif etdilər, sonra hədə-qorxu gəldilər. Məclis sədrinin Krıma girişinə qadağa qoyuldu, müavini həbs edildi. İndi Kiyevdə olan 3 məclis üzvünə qarşı da cinayət işi açılıb. Putin Yanukoviç ölkəni tərk etməmişdən əvvəl mənimlə görüşmək istəmişdi, ancaq mən bu görüşün mənim səviyyəmdə olmadığını bildirmişdim".