İtaliyanın Napoli şəhərində kilsəni ziyarət edən Roma Papası Fransisk rahibələrin "hücum"una məruz qalıb.

Axar.az xəbər verir ki, ziyarət zamanı Papa Fransisk güc-bəla ilə rahibələrin rəğbətindən qurtulub. Papa ilə görüş üçün monastırdan çıxmalarına icazə verilən rahibələrin həyəcandan əl-ayaqları bir-birinə dolaşıb.

Vəziyyətin belə olduğunu görən Kardinal Sepe mikrofonla rahibələrin sakitləşmələri barədə xəbərdarlıq edib:

"Bu rahibələr hələ monastıra qapanmış olanlarıdır. Siz bir də digərlərini düşünün, sanki Papanı yeyəcəklər".

Onun bu sözləri həm Roma Papasını, həm də digər şəxsləri güldürüb.