Almaniyada Düsseldorf Prokurorluğu "Germanwings" təyyarəsinin qəzaya uğramasında günahkar hesab olunan köməkçi pilotun psixoloji problemləri olduğunu və bunu şirkətdən gizlətdiyini müəyyən edib.

Axar.az "BBC"ə istinadən xəbər verir ki, prokurorluq 28 yaşlı Lubitzin psixoloji problemlərinə görə ciddi müalicə aldığını ortaya qoyan sənədlər aşkar edib.

Hakim Ralf Herrenbruek Lubitzin hadisə baş verən gün həkimdən alınan sənədi evində cırılmış vəziyyətdə tapdıqlarını açıqlayıb. Prokuror həmçinin qeyd edib ki, pilot öz xəstəliyini rəhbərliyindən və iş yoldaşlarından ciddi şəkildə gizlədirmiş.

Mənbənin verdiyi məlumata görə, Lubitzin evində aparılan axtarışlar zamanı heç bir intihar məktubuna və ya dini, siyasi ultimatum rast gəlinməyib.

Qeyd edək ki, Almaniya polisi bu gün Lubitzin evində axtarışlar aparıb. Pilotun əşyalarını müsadirə edib, iki fərqli ünvanda aparılan axtarışlar zamanı Lubitzin kompüteri də daxil olmaqla bir neçə əşyası polis tərəfindən götürülüb.

"Germanwings" hava yollarına aid olan təyyarənin qara qutusundan çıxan məlumatlar Lubitzin idarə panelinin qapısını kilidlədiyini, bilərəkdən təyyarənin qəzaya uğramasına səbəb olduğunu göstərir