2026.08.07 - 09:29

Beyləqan rayonu, Birinci Şahsevən kəndi ərazisindən keçən kanalda bir nəfər batıb.

Axar.az xəbər verir ki, Amin Zamir oğlu Əhmədov avqustun 6-da kənd ərazisindən keçən "Yeni Xan Qızı" adlı beton kanalda çimərkən suda boğularaq ölüb.

Onun meyitinin tapılması üçün axtarışlar davam etdirilir.

Fakt üzrə Beyləqan rayon prokurorluğunda araşdırma aparılır.

***

Fövqəladə Hallar Nazirliyinin “112" qaynar telefon xəttinə 6 avqust 2026-cı il tarixində Beyləqan rayonu, Birinci Şahsevən kəndində "Yeni Xan qızı" kanalında 1 nəfərin batması barədə məlumat daxil olub.

Bu barədə FHN-in Mətbuat xidmətindən məlumat verilib.

Məlumatla əlaqədar dərhal FHN-in Kiçikhəcmli Gəmilərə Nəzarət və Sularda Xilasetmə Dövlət Xidmətinin “Aran” dalğıc-axtarış qrupu axtarışlara cəlb olunub.

Hazırda batması ehtimal edilən 2007-ci il təvəllüdlü Amin Zamir oğlu Əhmədovun axtarışları davam etdrilir.

***

Avqustun 6-da rayon ərazisindən keçən “Yeni Xan qızı” adlı beton kanalda çimərkən batan 2005-ci il təvəllüdlü Amin Əhmədovun meyiti tapılıb.

Aparılan axtarış-xilasetmə tədbirləri nəticəsində gəncin meyiti sudan çıxarılaraq aidiyyəti üzrə təhvil verilib.