Türkiyə ordusu Liviyada Benqazi və Sirt şəhərini ələ keçirərsə, bu ölkədə, eləcə də regionda hazırki vəziyyəti fövqəladə dərəcədə dəyişər.

Axar.az xəbər verir ki, bu barədə “Asiya Tayms” qəzetində dərc olunan məqalədə yazılıb.

Məqalədə bildirilir ki, Türkiyənin dəstəyi nəticəsində Liviya Milli Razılıq Hökumətini müdafiə potensialı iki dəfə artıb.

Eyni zamanda Rusiyanın Liviyada hərbi baza yaratmaq cəhdlərinin ABŞ və NATO-nu narahat etdiyi vurğulanıb.

Nəşr Moskvanın Türkiyənin Şərqi Aralıqdakı üstünlüyünə meydan oxuduğunu da əlavə edib:

"Türkiyə Osmanlı imperatorluğundan bəri görünməmiş sürətlə Ağ dənizi keçdi. Türkiyə Sirt və Benqazini ələ keçirərsə, Liviyada, həmçinin regionda oyun qaydaları inanılmaz dərəcədə dəyişəcək".