Xorvatiya parlamentinə keçirilən bugünkü seçkilərdə ilk dörd saat ərzində seçici fəallığı 18.09 faiz təşkil edib.

Axar.az xəbər verir ki, bu barədə Xorvatiya Dövlət Seçki Komissiyası məlumat yayıb.

“İndiyə qədər seçki məntəqələrinə seçicilərin 18.09 faizi gəlib. 2016-cı ildəki seçkilər zamanı bu rəqəm 18.86 faiz idi”, - məlumatda qeyd edilib.

Qeyd edək ki, Xorvatiya parlamentində 151 yer uğrunda 70 partiya, birlik və koalisiyadan 2,6 mindən çox namizəd mübarizə aparır.

Əsas mübarizə Baş nazir Andrey Plenkoviçin rəhbərlik etdiyi hakim Xorvatiya Demokratik Birliyi Partiyası və əsas müxalifət qüvvəsi olan Sosial Demokrat Partiyasının (SDP) sədri Davor Bernardiçin başçılıq etdiyi Yenidən Yüklənmə koalisiyası arasında gedir.