Çeçenistan rəhbərliyinin adı daha bir qətldə hallanıb.

Axar.az xəbər verir ki, ölkə rəhbərliyi bir neçə ay öncə İsveçdən terrorçularla əlaqəsi olduğu bildirilən bir nəfərin (adı açıqlanmayıb) geri qaytarılmasını tələb edib.

İsveçin Miqrasiya məhkəməsi isə həmin çeçenin ölkəsinə qaytarılacağı halda öldürüləcəyi barədə sözlərə əhəmiyyət verməyib və Kadırov hökumətinin tələbini yerinə yetirib.

İsveçin Çeçenistana qaytardığı həmin şəxs 3 ay sonra öldürülüb.

İsveç mətbuatında yer alan xəbərlərə görə, öldürülən çeçenin xanımı və iki uşağı isə hazırda gizli yerdə saxlanılır.

İsveç rəsmiləri ölkəsinə qaytarılan çeçenin öldürüldüyünü təsdiqləyiblər.

Lakin onun adı açıqlanmayıb.