Böyük Britaniyanın məşhur Baş naziri Uinston Çörçill və ingilis casusu Lourenslə bağlı yeni faktlar ortaya çıxıb.

Axar.az xəbər verir ki, yayılan məlumatlara görə, illər öncə türk kəşfiyyatı əfsanəvi siyasi xadim Çörçill və kəşfiyyatçı Lourensdən türk dövlətinin intiqamını ala bilib.

"A Haber"in verdiyi məlumata görə, NATO və Avropa Şurasının yaranması üçün səy göstərən, ömrünü türklərlə mübarizəyə həsr edən, hətta "Döyüşdə türklərə qarşı zəhərli qaz istifadə edək" kimi amansız təkliflər verən baş nazir Uinston Çörçillin həyatının ən qaranlıq hissəsi türklərlə bağlıdır. Onun 1965-ci ildə vəfatı zamanı nə Osmanlı imperiyası var idi, nə də İngiltərənin 3 qitədə torpaqları. Lakin Çörçil ilə türklərin Osmanlı imperiyasını süquta apardığı üçün haqq-hesabı çürüməmişdi…

***

1930-cu ildə bir türk kəşfiyyatçısı ABŞ-da yeni missiyasına başladı. Türkiyə həmin dövrlərdə ABŞ ilə daha isti münasibətlərdə olmadığı üçün kimsə ondan şübhələnməyəcəkdi. ABŞ-dakı qəhrəman türk kəşfiyyatçı taksi sürücüsü kimi işə başladı.

Çörçill 14 dekabr 1931-ci ildə "İngiliscə danışan cəmiyyətlərin taleyi" adlı bir seminarda iştirak etmək üçün Nyu Yorka gəlmişdi. O, qaldığı oteldən çıxarkən taksi sifariş vermək üçün əlini qaldırdı. Qəhrəman türk duasını etdi və "Bütün şəhidlər üçün" deyərək, qaza basdı. Çörçill dünyanın ən məşhur bulvarlarından olan 5-ci küçənin 76 və 77-ci kəsişmələrində yolu keçərkən taksiyə çırpıldı. Ortalıq bir anda qarışdı. Mİ6 agentləri özlərini itirmişdi. Çörçill təcili Lenox Hill xəstəxanasına aparıldı. Bədəninin sağ tərəfində qırıqlar var idi. O, gecəni komada keçirdi. Türk agentlər və "taksi sürücüsü" Çörçillin öldüyünü düşünərək sevinmişdi. Amma Çörçill ölmədi.

Hadisə ilə bağlı geniş araşdırma aparılırdı. "Taksi sürücüsü" Mario Contasino sorğu-suala çəkildi. O, "görmədim" deyərək özünü müdafiə etdi. Lakin heç kim bu şəxsin gerçək adının Eduard, özününsə Osmanlı torpaqlarında doğulan bir türk olduğunu bilmədi. Bu sirr illər sonra aydın olacaqdı…

***

Böyük Britaniyanın saxladığı digər bir tarixi həqiqət isə ingilis agent Edvard Lourenslə bağlı idi. "Türkiyəyə qarşı ərəb üsyanı yaratmaq və bunun üçün görünüşcə ərəblərə bənzəmək" kimi gizli tapşırıq alan Lourens əslində İngiltərə qəhrəmanıdır. Bu şəxsin Osmanlı imperiyasının dağılmasında çox böyük rolu olub. Onun da intiqamı türk kəşfiyyatının üzərinə düşürdü…

***

İki türk kəşfiyyatçı günlərlə Lourensi evinin ətrafında müşahidə etdi. İngilis agent sürət həvəskarı idi və hər səhər "Brough Superior SS 100" avtomobilini sürməkdən zövq alırdı. Əməliyyat zamanı kəşfiyyatçılar hər şeyi hesabladı. Hava, küləyin sürəti belə yaddan çıxmadı. 1935-ci il mayın 13-də heç kimin görmədiyi qara avtomobil Lourensin avtomobilini sürətlə sürdüyü yola daxil oldu.

Əllərindəki türk bayrağını öpən iki agent dualarını edərək qaza basdı. İngilis agentin getdiyi yolun ən sevdiyi hisssəsində - kəskin döngədə iki avtomobil toqquşdu. Lourens xəstəxanaya çatdırılsa da, mayın 19-da öldü. İngilis kəşfiyyatı isə tarixçi Lodni Ring və 4 hal şahidinin "sui-qəsd" iddiasını təzyiqlə susdurdu. Mətbuata isə qətl "Lourens önünə çıxan velosipedli uşaqlarla toqquşmamaq üçün özünü fəda etdi" kimi təqdim olundu.