"HƏMAS terror təşkilatının üzvləri İstanbul yaxınlığındakı düşərgədə hazırlanır".

Axar.az xəbər verir ki, bu iddia ilə Almaniyanın "Bild" qəzeti çıxış edib. Qəzet HƏMAS-la türk hökumətinin yaxın olduğunu qeyd edib və HƏMAS-ın Türkiyədə terror təşkilatı siyahısında olmadığını vurğulayıb.

"Bild" eyni zamanda təşkilatın bəzi yüksək rütbəli rəhbərlərinin Türkiyədə davamlı yaşadığını da iddia edib.

İsrailin Almaniyadakı səfirliyinin sözçüsü Adı Farjon da "Bild"ə açıqlamasında HƏMAS üzvlərinin Türkiyədə hazırlandıqlarını bildirib.

Türkiyənin Almaniya səfirliyinin rəsmisi Cem Ertay isə iddiaları təkzib edib.