Liviyada qarşıdurmanı alovlandıran Sisinin özüdür.

Axar.az xəbər verir ki, bu sözləri Liviya Xarici İşlər Nazirliyinin sözçüsü Məhəmməd Kablavi Misir prezidentinin açıqlamalarını şərh edərkən deyib.

“Sisinin çıxışı sülhə hesablanmayıb. Münaqişəni qızışdıran özüdür. Liviyada İŞİD-i məğlubiyyətə uğradan Milli Razılıq Hökumətidir. Lakin Sisi hələ də Sinay yarımadasını terrorçulardan təmizləməyib. Real vəziyyəti Milli Razılıq hökuməti müəyyən edir. Sirtə qan tökmədən girmək arzusunda olduğumuzu dəfələrlə bildirmişik”, - deyə Kablavi bildirib.

Qeyd edək ki, Misir prezidenti növbəti dəfə çıxışında Liviyaya hərbi müdaxilə edə biləcəklərini istisna etməyib.