"Türkiyə artıq etibarlı ölkə hesab olunmur".

Axar.az xəbər verir ki, bu barədə İngiltərənin "Faynənşl Tayms" qəzetinin beynəlxalq əlaqələr şöbəsinin redaktoru Devid Qardner öz məqaləsində yazıb. Müəllif Türkiyə ilə bağlı bu fikirlərə yer verib:

"Türkiyə dörd il əvvəl Yaxın Şərqdə sabitliyin əsas təməl daşı olaraq görünürdü və Rəcəb Tayyib Ərdoğan bölgənin ən etibarlı siyasətçisi hesab olunurdu. İndi bütün bunlar sanki çox uzaq keçmişdə olubmuş kimi görünür. Həmin dövrdə xarici işlər naziri, hazırda isə baş nazir olan Əhməd Davudoğlu "qonşularla sıfır problem" siyasətini çox tərifləyirdi. Lakin hazırda Türkiyənin problem yaşamadığı qonşusu yoxdur. İsrail, Misir, Suriya, İraq, Səudiyyə Ərəbistanı və İranı buna misal göstərmək olar. Türkiyəni keçmişdə tərifləyənlərin çoxu indi böyük inamsızlıq yaşayır və bu ölkəyə şübhəylə baxır. Həmçinin Ankaranın Qərbdəki müttəfiqləri Ərdoğanın Rusiya lideri Vladimir Putini açıqca tərifləməsi və Çinlə yaxınlaşmasından narahatdır".