Ukrayna Prezidenti Vladimir Zelenski paytaxt meri Vitali Kliçkonu vəzifəsindən uzaqlaşdırmaqla Kiyevdə çevriliş etmək istəyir. Lakin bu münaqişə Ukrayna liderinin özü üçün ciddi nəticələrə, o cümlədən məğlubiyyətinə səbəb ola bilər.

Axar.az xəbər verir ki, bunu MDB Ölkələri İnstitutunun aparıcı tədqiqatçısı və "Digər Ukrayna" hərəkatının eksperti Aleksandr Dudçak deyib.

Ekspertin sözlərinə görə, Zelenski və Kliçko respublikada iki fərqli təsir mərkəzini təmsil edirlər.

O qeyd edib ki, avropalılar, əsasən almanlar, hələ 2013-2014-cü illərdə Kliçkoya stavka edirdilər.

Dudçak xatırladıb ki, onlar arasında siyasi qarşıdurma (Zelenski-Kliçko) xeyli müddətdir davam edir:

“Hakimiyyətdə olduğu müddətdə Zelenski bir çox Ukrayna şəhər rəhbərlərini vəzifələrindən azad etməyi bacarıb və onların yerinə təhlükəsizlik xidmətlərinin nümayəndələri də daxil olmaqla hərbi-mülki administrasiyalar təyin edib”.