Avropa Komissiyası rəqəmsal müstəqilliyə nail olmaq üçün Avropa Birliyində super kompüterlərin istehsalına 8 milyard avro investisiya yatırmaq niyyətindədir.

Axar.az xəbər verir ki, bunu Avropa Komissiyasının rəhbəri Ursula fon der Leyen Avropa parlamentində çıxışı zamanı deyib.

Onun sözlərinə görə, Avropa Birliyi texnologiya cəhətdən çox yüksəkdə olmalıdır, lakin bunun üçün investisiya lazımdır.

“Avropada texnologiyaya investisiya yatırmaq üçün bundan yaxşı məqam olmayıb. Büdcənin 20%-nin rəqəmsal bazarın inkişafına ayrılacağını planlaşdırırıq”, - Ursula fon der Leyen bildirib.